NOIZ eta NON
Kurtsoak, ikastaroak eta elkarte jarduerak noiz eta non iragaten diren dut hemen aipatuko.
Hasteko, ikasleen gaitasunak mailen arabera aurkeztuko ditut.
1 Kurtsoak
1.1 Mailak eta gaitasunak
Lehen urtean alfabetotik hasiko gara ahoskeraren lantzeko. Ikasturte bukaeran, ikasleak bere burua aurkezten ahalko du eta kurtsoko manu sinpleak ulertuko.
Bigarren urtean Ikasbide 1 bigarren ikas-unitatean arrahartuko dugu. Urtean zehar ikasleak bere eguneroko biziaren kontatzen trebatuko da. Ekainean afixa baten ulertzeko gai izanen da baita afixako gertakaria beste norbaiti. kontatzeko ere.
Hirugarren urtean Ikasbide 1 bukatuko dugu. Urtea aitzinatu arau ikasleak iragarkien egiten ikasiko du. Merkatuan pisuak eta neurriak euskaraz zehaztuz, erosketak egiten ahalko ditu .
Laugarren urtean Ikasbide 2 hasiko dugu. Ikasleak ikasiko du bere iritzien adierazten et argudiatzen. Erranaldi luzeagoen egiten hasiko dira: mendeko perpausak.
Bostgarren urtean Ikasbide 2 liburuaren erditsutik abiatuko gara. Urte bukaeran A1 mailara heltzea dugu helburu.
Ondoko urteetan, bestela egin dezakegu. Euskarri ezberdinetatik abia gintezke: testu, argazki, irudi, soinu edo beste. Horren ulermenetik edo iruzkinetatik has gintezke. Lehen argibide hauetan, gai bat har genezake eztabaidatzeko.
1.2 Angeluko ikasgelan baina ez ezik
Urtero kurtsoak irailaren hirugarren astean hasten dira eta ekaina erditsuan bukatzen.
Astelehenetik ostiralera egunean zehar baita ere eguerdi eta biak artean iragaten dira.
Beste toki batzuetan eman ditzaket.
2025ko irailean bi kurtso izanen dira Miarritzen
2 Ikastaroak
Orainokoan otsaileko oporretan eta agorrilean agitu dira.
Datorrena 2025ko agorrilaren 18tik 22ra aitzinikusia da.
Euskararen lantzen hasteko urrats goxoa bezain gustagarria!
3 Elkarte jarduerak
3.1 Kurtsoez gain
Ikasleen ateraldiak, gai saioak elkarretaratzeak, jarduerak eta libertimenduak elkarrekin hautatzen eta antolatzen ditugu. Urte batetik bestera aldatzen dira.
3.2 Sentsibilizazio saioak
« Euskal inguruneari ohart! »
Lan saio hau nornahirekin egin dezaket, hizkuntzaren jakin-mina duen ber!
Hitzek euskal kultura eta historia aipatzera eramanen gaituzte.
Tailer hau obratuz ohartu naiz euskaraz alfabetatuak ez zirenek (edo guti) ere interes handia erakutsi dutela. Interaktiboak izanik tailer hauek ez dira behin ere berdin
Heldu dena Angelun iraganen da
« La Générale » elkartean
Artisauen bidean 23
2025ko irailaren 12an 17:00
« Euskararen erroak eta aldaxkak »
deitu dut
« Irakur euskaraz! »
Lan saio hau gauzatuz, gurasoei pentsatu dut, haurrei istorioak euskaraz irakurtzera mentura daitezen. Kantu taldeentzat ere aberasgarria daiteke baina ez baizik.
Ahoskera tailer bat izanik, euskara maila goragoko batzuei egoki dezaket. Hala nola ahoskera desberdinak daude, Hegoaldean, Iparraldean… Euskaltzaindiak gomendatzen duena ere aipatu beharra da (barka baina ez naiz zubereraren berezitasunetan sartuko ez naizelako horretan aditua). Hartzaileek jakinaren gainean hautatzen ahalko dute ondotik beren ahoskera.
« Zenbakiak euskaraz! »
2024ean Mintzalasai kari egin dugu . Baionako komertsantei zuzendu genien. Oraingoz ez dago aintzinikusirik baina zuen elkarteetan egin dezaket baita ere saltzaileei gaitasun berri baten emateko.
Aurten ere Maintzalasai kari bi obratuko ditut baina datu guziak ez dira oraindik finkatuak
Honaino arazorik gabe irakurri banauzu tailer horiek ez dira zuretzat, baina zure ingurukoei aipa ditzakezu. Urririk eta gogotik ematen ditut
Irakurketa jarraitzeko,
Harrera
Kurtsoak eta jarduerak
Nori zuzenduak diren
Nork edo nor garen
Nola egin parte hartzeko
Harremanetan sartzeko